തെന്നിന്ത്യന്‍ സിനിമയിലും ബോളിവുഡിലും ഒരുപോലെ മിന്നിത്തിളങ്ങുന്ന നടിയാണ് തമന്ന ഭാട്ടിയ.
മോഡലിംഗിലൂടെ കരിയര്‍ ആരംഭിച്ച താരം ബോളിവുഡിലൂടെയാണ് സിനിമയിലെത്തിയതെങ്കിലും മികവു തെളിയിച്ചത് തെന്നിന്ത്യന്‍ സിനിമയില്‍ ആയിരുന്നു.
മുതിര്‍ന്ന താരങ്ങള്‍ക്കും യുവ സൂപ്പര്‍താരങ്ങള്‍ക്കും എല്ലാം ഒപ്പം തമിഴ്,തെലുങ്ക്, കന്നഡ ഭാഷകളിലായി നിരവധി ചിത്രങ്ങളില്‍ അഭിനയിച്ച താരത്തിനു മലയാളികള്‍ ഉള്‍പ്പെടെ നിരവധി ആരാധകരുണ്ട്.
സൂപ്പര്‍ താര ബിഗ് ബജറ്റ് സിനിമകളില്‍ നായികയായ തമന്ന ബ്രഹ്മാണ്ഡ ചിത്രം ബാഹുബലിയിലും ശ്രദ്ധയമായ വേഷത്തില്‍ എത്തിയിരുന്നു.
തന്റെ പ്രണയത്തെ കുറിച്ചും കാമുകനെ കുറിച്ചും അടുത്തിടെ തമന്ന തുറന്നുസംസാരിച്ചിരുന്നു. പ്രമുഖ നടന്‍ വിജയ് വര്‍മയാണ് താരത്തിന്റെ പങ്കാളി.
ലൗ സ്റ്റോറീസില്‍ തമന്നയ്ക്കൊപ്പം വിജയ് വര്‍മ്മയും എത്തിയിട്ടുണ്ട്. ആമസോണ്‍ പ്രൈം വീഡീയോയിലെ വെബ് സീരീസായ ജീ കാര്‍ദായിലും തമന്ന ഒരു പ്രധാന വേഷത്തില്‍ എത്തുന്നുണ്ട്.
ഇപ്പോഴിതാ തമന്നയുടെ ഒരു ആരാധകനാണ് സോഷ്യല്‍മീഡിയയില്‍ ചര്‍ച്ചയാകുന്നത്. താരങ്ങളോടുള്ള ആരാധന മൂത്ത് പല ആരാധകരും പലതരത്തില്‍ സ്നേഹം പ്രകടമാക്കാറുണ്ട്.
ഇപ്പോഴിതാ കൈയ്യില്‍ തമന്നയുടെ ചിത്രം ടാറ്റൂ അടിച്ച തമന്നയുടെ ഒരു ആരാധകനാണ് ശ്രദ്ധേയമാകുന്നത്.
ഈ ടാറ്റൂ കണ്ട് പൊട്ടിക്കരയുകയാണ് തമന്ന. താരത്തിന്റെ വീഡിയോ സോഷ്യല്‍ മീഡിയയില്‍ വൈറലാവുകയാണ്.
ആരാധകര്‍ക്കൊപ്പം ചിത്രം എടുക്കുകയായിരുന്ന തമന്നയുടെ അരികിലേക്ക് ഈ ആരാധകന്‍ എത്തിയപ്പോഴാണ് സംഭവമുണ്ടായത്.
തമന്നയ്ക്കു വേണ്ടി പൂക്കളുമായെത്തിയ ഈ ആരാധകന്‍ തന്റെ കയ്യിലെ ടാറ്റു കാണിക്കുകയായിരുന്നു.
തമന്നയുടെ മുഖവും ഒപ്പം ‘ലവ് യു തമന്ന’ എന്നുമാണ് പച്ചകുത്തിയിരുന്നത്. ടീഷര്‍ട്ടില്‍ തമന്നയുടെ ഫോട്ടോയും പ്രിന്റും ചെയ്തിരുന്നു.
താരത്തെ കണ്ട ഉടന്‍ തന്നെ അവരുടെ കാല് തൊട്ടു വന്ദിച്ച ആരാധകനെ കെട്ടിപ്പിടിച്ചു തമന്ന കൊണ്ടാണ് പിടിച്ചെഴുന്നേല്‍പ്പിച്ചത്.
തമന്നയുടെ കണ്ണ് നിറയുന്നത് വീഡിയോയില്‍ കാണാം. സ്‌നേഹപ്രകടനങ്ങള്‍ കണ്ട് നടി വികാരാധീതയായി. പല തവണ ആ വ്യക്തിയോട് തമന്ന നന്ദി പറയുന്നുണ്ട്.
കൂടാതെ, തന്നോടുളള സ്നേഹം കണ്ട് അമ്പരന്ന തമന്ന തിരികെ കാറില്‍ കയറുവോളം ഫാനിനോട് സംസാരിക്കുകയും നന്ദി പറഞ്ഞുകൊണ്ടിരിക്കുകയും ചെയ്യുന്നുണ്ട്.
ഈ വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. ഇത്രയും സ്നേഹം വേണമെങ്കില്‍ ഭാഗ്യം വേണമെന്നാണ് കമന്റുകള്‍.
